A DrupalCamp Spain reúne a persoas de todo o mundo que utilizan, desenvolven, deseñan e soportan a plataforma Drupal. Unha gran parte das persoas asistentes á DrupalCamp Spain adoita ser recentemente chegada á plataforma Drupal ou á comunidade.
O Código de conduta de Drupal (en inglés) esboza os nosos ideais e valores compartidos. Este documento expresa como esperamos que estes ideais sexan interpretados nas nosas conferencias e outros eventos. O noso obxectivo é asegurar que todas aquelas persoas participantes poidan compartir libre e abertamente ideas nun ambiente amigable, seguro e acolledor que fomente e inspire respecto mutuo e colaboración.
Ven polo software, queda pola comunidade
Drupal simplemente non existiría sen a súa comunidade. Queremos que todas as persoas que asistan á DrupalCamp teñan unha experiencia estupenda tanto dentro como fóra das sesións e actividades da conferencia.
O propósito deste documento non é restrinxir a diversidade de ideas e expresións na comunidade de Drupal senón crear conciencia sobre o potencial de accións que poderían alienar a calquera persoa participante na comunidade.
A DrupalCamp é un evento considerado
A DrupalCamp Spain é un evento nacional —aberto á participación internacional— que atrae a persoas diversas dunha ampla variedade de razas, culturas e relixións. Recoñecemos que a comunicación intercultural pode ser a miúdo complicada e alentamos a toda a comunidade, non importa a súa experiencia, a considerar o impacto das accións naquelas persoas con diferentes antecedentes e experiencias e as honestas intencións que poden ofender sen querer.
A DrupalCamp é un evento acolledor
Unha das maiores fortalezas da comunidade Drupal é ser inclusiva. Facer que todas as persoas asistentes se sintan benvidas e integradas na DrupalCamp Spain é un traballo que involucra a toda a comunidade, incluíndo persoas relatoras e patrocinadores.
A DrupalCamp é un evento respectuoso
As empresas patrocinadoras, as persoas ofrecendo o seu valioso tempo como voluntarias ou ofrecendo charlas e todas as persoas participantes na conferencia deben tratar ás demais persoas con dignidade e respecto independentemente da súa cultura, relixión, aparencia física, discapacidade, raza, etnia, sexo, orientación sexual e calquera outra diferenza.
A DrupalCamp é un evento colaborativo
Se ocorren malentendidos, alentamos ás persoas a resolver as cousas entre elas sempre que sexa posible. Anímase ás persoas para asumir a responsabilidade das súas palabras e accións e a escoitar as críticas presentadas constructivamente cunha mente aberta, cortesía e respecto.
Cando non estamos de acordo, consultamos a outras persoas
Se dúas ou máis persoas participantes non conseguen resolver os problemas que poidan xurdir entre si, anímaselles a buscar o consello dunha terceira persoa imparcial na que ambas confíen ou unha persoa voluntaria da comunidade designada para axudar a mediar.
Para esta DrupalCamp Spain nomearanse algunhas persoas da comunidade para este papel de mediación.
Cando o necesitamos, buscamos axuda
Non toleramos o acoso de persoas participantes da conferencia de ningún xeito.
Se nalgún momento ocorre algunha conduta de acoso, que te violente, discrimine ou humille de calquera xeito, por favor, notifica inmediatamente a unha persoa da organización da DrupalCamp.
Así mesmo, rogamos a toda a comunidade que avise inmediatamente a unha persoa da organización se é testemuña dalgún destes comportamentos cara a outras persoas.
Para casos especialmente urxentes, comunícate con calquera destas persoas:
- Montaña Franco: mon.franco.gq [at] gmail.com (mon[dot]franco[dot]gq[at]gmail[dot]com)
- Oskar Calvo: calvo.oskar [at] gmail.com (calvo[dot]oskar[at]gmail[dot]com)
- Patricia Gende: patricia.gende [at] gmail.com (patricia[dot]gende[at]gmail[dot]com)
- Yolanda Gorriz: helloygoex [at] gmail.com (helloygoex[at]gmail[dot]com)
O equipo da DrupalCamp Spain quere que todas as persoas participantes na conferencia se sintan seguras durante todo o desenvolvemento da mesma. Se é necesario, o persoal da conferencia está facultado para tomar as accións apropiadas que poden incluír, pero non se limitan a, advertencias, expulsión da conferencia sen reembolso e remisións á seguridade do lugar ou á policía local.
Grazas por facer DrupalCamp Spain impresionante!
O Código de Conduta de Drupalcamp está licenciado baixo unha licenza de Creative Commons Attribution 3.0 Unported e está dispoñible para que outras persoas ou grupos o poidan utilizar e adaptar para os seus propios eventos.